Over Afrikaaps

Die Baxter-teatersentrum en The Glasshouse, in samewerking met ABSA KKNK, bied aan Die Argitekbekke in Afrikaaps

Die hiphop digter en kunstenaar Jitzvinger, jazz-pianis Kyle Shepherd, sanger/digter Blaq Pearl en hip hop kunstenaar en aktivis, Emile Jansen gaan op soek na Afrikaans se roots en hulle stap saam die Taal van sy eerste babatreetjies in die 1600's tot vandag.

'n Allegaartjie van musiekstyle, soos Ghoema en Kaapse Klopse, gedigte en film, vertel die onvertelde storie van die Taal en hoe dit oor die jare ontwikkel het. In ware hiphop-styl, met ritmes en rympies, vertel dié vlymskerp hiphopera vannie Taal vannie mense affie Kaap – en vier al daai invloede wat Afrikaans Afrikaaps maak.

speeldata:

1 - 4 april 2010, Oudtshoorn, Kleine Karoo Nasionaal Kunstefees

7 -25 april 2010, Kaapstad, Baxter Theatre